патрульдеу

(Патрулирование; франц. patrouiller – шолғын жасау)

1) қарсыласты бақылау, әскерлерді қорғау және бойтасалау мақсатында жергілікті жердің (бағыттың) белгіленген бір бөлігіндегі патрульдің қимылы; П-дің негізгі міндеті аудандарды (алқаптарды, бағыттарды) шолу және тексеріп өту болып келеді;

2) әр түрлі объектілерді, ұрыстық және т. б. техника мен әскери мүлікті қорғауда сақшылардың (патрульдің) бағыт бойынша тексеріп өту арқылы қарауылдық қызмет атқару тәсілі. Объектілерді қорғауды ұйымдастыруда жаяу ретпен және көлік құралдарымен П. тәсілі тұрақты постылардың санын азайтуға мүмкіндік береді;

3) қорғалатын объектілер төңірегінде қарсыластың ұшақтарын, тікұшақтарын іздеу және ұшқышсыз құралдарының шабуылын тойтару және жою мақсатында жойғыш-ұшақтардың белгіленген аудандардағы ұшуы. Сондай-ақ қарсыласты байқау және жою немесе оларға өздерінің күштері мен құралдарын бағыттау үшін П-ді авиацияның басқа түрлерінің (тектерінің) ұшақтары орындай алады;

4) жүктелген міндетті орындау мақсатында тапсырылған теңіз аумағының белгіленген шептеріндегі кемелердің (кеме топтарының) жүйелі іс-қимылдары. П. су асты және су үсті кемелерінің (катерлердің), әдетте, авиациямен бірлесе әрекет жасаулары арқылы жүргізіледі;

5) гарнизонда әскери қызметкерлердің көшеде және қоғамдық орындарда (оның ішінде темір жол станцияларында, вокзалдарда, порттарда, әуежайларда, сонымен қатар гарнизонға қарасты елді мекендерде) тәртіпті және әскери тәртіпті сақтауға бағытталған гарнизондық патрульдердің іс-әрекеті.